Ladki Bahin Yojana Latest News : राज्यात ‘मुख्यमंत्री माझी लाडकी बहीण योजना’ सुरू असतानाही पुढील वर्षीच्या अर्थसंकल्पात महिलांसाठी असलेली तरतूद कमी झाल्याचे स्पष्ट झाले आहे. २०२५-२६ च्या अर्थसंकल्पात महिला, मुली आणि तृतीयपंथीयांसाठी एकूण खर्चाच्या फक्त ८.४५ टक्के निधी राखीव ठेवण्यात आला आहे. उपमुख्यमंत्री आणि वित्तमंत्री अजित पवार (Ajit Pawar) यांनी बुधवारी विधानसभेत सादर केलेल्या लिंगभाव (जेंडर) अर्थसंकल्पात ही माहिती समोर आली आहे.
Ladki Bahin Yojana Gender Budget Maharashtra 2025: महायुती सरकारने लाडकी बहीण योजनेसाठी मोठा निधी राखून ठेवला असला, तरी महिलांच्या अन्य योजनांसाठी पुरेसा निधी राहील का, हा प्रश्न उपस्थित होत आहे. एकूण ७.५७ लाख कोटी रुपयांच्या अंदाजपत्रकात महिलांसाठी ६४ हजार कोटी रुपयांची तरतूद करण्यात आली आहे. मात्र, चालू आर्थिक वर्षात हा खर्च ८.६३ टक्के होता, त्यामुळे पुढील वर्षीच्या तुलनेत निधीत कपात झाल्याचे स्पष्ट होते. विशेष म्हणजे, एकट्या लाडकी बहीण योजनेसाठी ३३ हजार कोटींची तरतूद करण्यात आली आहे, जी एकूण महिला योजनांच्या निधीच्या जवळपास निम्म्या रकमेसह खर्च होणार आहे.
🔴 हेही वाचा 👉 बांधकाम कामगारांसाठी सरकारचा मोठा निर्णय, दरवर्षी मिळणार 12 हजार रुपये.
बालकल्याण योजनांसाठीही निधीत घट
लहान मुलांसाठीच्या योजनांसाठीही निधी कमी झाल्याचे स्पष्ट झाले आहे. पुढील वर्षाच्या अर्थसंकल्पात बालकल्याणासाठी १ लाख कोटी रुपयांची तरतूद करण्यात आली आहे, जी एकूण अर्थसंकल्पाच्या १३.२८ टक्के आहे. चालू वर्षाच्या तुलनेत ही किंचित वाढ असली तरी २०२३-२४ च्या अर्थसंकल्पात हा निधी १६.१४ टक्के होता. त्यामुळे बालकल्याणातील योजनांसाठी गेल्या दोन वर्षांत निधीत कपात झाल्याचे दिसत आहे.
महिलांसाठीच्या योजनांवर मोठ्या प्रमाणात भर देत असतानाही इतर योजनांसाठी निधी कमी होत असल्याने सरकारच्या आर्थिक धोरणावर प्रश्नचिन्ह उपस्थित होत आहे. विशेषतः लाडकी बहीण योजनेच्या प्रभावामुळे इतर महिला कल्याण योजनांना किती मदत मिळणार असा प्रश्न उपस्थित होत आहे.
🔴 हेही वाचा 👉 आयुष्मान कार्ड हरवले किंवा चोरी झाले तर मोफत उपचार मिळणार की नाही? जाणून घ्या नियम.
