Mukhyamantri Majhi Ladki Bahin Yojana Latest Update : महाराष्ट्र सरकारने माझी लाडकी बहिण योजना (Mukhyamantri Majhi Ladki Bahin Yojana) सुरूच राहील, असे स्पष्ट केले आहे. महिला आणि बालविकास मंत्री अदिती तटकरे (Aditi Tatkare) यांनी विधानसभेत सांगितले की, महिला लाभार्थींसाठी ही योजना बंद केली जाणार नाही आणि आवश्यकतेनुसार पुढील हिवाळी अधिवेशनात अतिरिक्त निधी मंजूर केला जाईल.
विरोधकांचा आरोप आणि सरकारचे स्पष्टीकरण
विधानसभेत विरोधकांनी सरकारवर टीका करत म्हटले की, महायुती सरकारने निवडणुकीपूर्वी महिलांना २१०० रुपये देण्याचे आश्वासन दिले होते, मात्र आता ते पाळले जात नाही. विरोधी पक्षाच्या या आरोपांना उत्तर देताना अदिती तटकरे यांनी सांगितले की, निवडणुकीनंतरही लाभार्थ्यांची संख्या वाढली आहे आणि ही योजना महिलांना आर्थिक स्थैर्य देण्यासाठी महत्त्वाची आहे.
अधिकृत आकडेवारीनुसार, ऑक्टोबर २०२४ मध्ये २.३३ कोटी महिला लाभार्थी होत्या, तर फेब्रुवारी २०२५ पर्यंत ही संख्या २.४७ कोटी झाली आहे.
🔴 हेही वाचा 👉 लाडकी बहीण योजना बंद केली तर 10 योजना सुरू करता येतील.
अर्थसंकल्प आणि लाडकी बहीण योजनेच्या निधीबाबत माहिती
महाराष्ट्राचे उपमुख्यमंत्री आणि वित्तमंत्री अजित पवार (Ajit Pawar) यांनी अर्थसंकल्पात माझी लाडकी बहिण योजनेसाठी ३६,००० कोटी रुपयांची तरतूद केली आहे. मात्र, हा निधी मागील वर्षाच्या तुलनेत १०,००० कोटी रुपयांनी कमी आहे.
१,५०० रुपयांचा हफ्ता २,१०० रुपये करण्याबाबत कोणतीही अधिकृत घोषणा नाही
अजित पवार म्हणाले, “आम्ही निवडणुकीत आश्वासन दिले होते की, सत्तेत आल्यानंतर १,५०० रुपयांच्या हफ्त्यात वाढ करू, परंतु ती वाढ कधी आणि कशा पद्धतीने केली जाईल, याबाबत निर्णय घेण्याची प्रक्रिया सुरू आहे.” आणि लवकरच ती वाढ करण्याबाबतचा निर्णय घेतला जाईल.
🔴 हेही वाचा 👉 लाडकी बहीण योजना सुरूच राहणार, पण रकमेत वाढ नाही.
महिला लाभार्थ्यांसाठी माझी लाडकी बहिण योजना सुरूच राहणार असून, सरकारने याबाबत स्पष्ट आश्वासन दिले आहे. २१०० रुपयांचा हफ्ता कधी लागू होईल याची निश्चित तारीख जाहीर झाली नसली तरी, सरकारने त्यासंदर्भात निर्णय घेण्याचे आश्वासन कायम ठेवले आहे. आवश्यकतेनुसार हिवाळी अधिवेशनात अतिरिक्त निधी मंजूर केला जाऊ शकतो.
🔴 हेही वाचा 👉 लाडक्या बहिणींना 2100 रुपये कधी मिळणार? मोठी अपडेट समोर.
🔥 सध्या ट्रेंडिंग 🔥
