Shet Tale Anudan Yojana Maharashtra Online Registration : महाराष्ट्र सरकारने शेतकऱ्यांसाठी ‘मुख्यमंत्री शाश्वत कृषी सिंचन योजना’ (Mukhyamantri Shashwat Krishi Sinchai Yojana) सुरु केली आहे. ही योजना प्रामुख्याने दुष्काळग्रस्त, आत्महत्याग्रस्त आणि नक्षलग्रस्त जिल्ह्यांमध्ये राबवली जात होती. मात्र, 18 नोव्हेंबर 2021 रोजीच्या निर्णयानुसार ही योजना संपूर्ण राज्यात विस्तारित करण्यात आली आहे.
Mukhyamantri Shashwat Krishi Sinchai Yojana फायदे?
मुख्यमंत्री शाश्वत कृषी सिंचन योजनेअंतर्गत शेतकऱ्यांना सिंचन सुविधा वाढवण्यासाठी आर्थिक सहाय्य दिले जाते, यामध्ये खालील बाबींचा समावेश आहे –
- सूक्ष्म सिंचनासाठी पूरक अनुदान
- शेततळे बांधण्यासाठी अनुदान
- शेततळ्यांचे प्लास्टिक अस्तरीकरण (लायनिंग)
- हरितगृह (ग्रीनहाऊस) उभारणीसाठी मदत
- शेडनेट हाऊस उभारणीसाठी अर्थसहाय्य
2024-25 मध्ये किती निधी मंजूर झाला?
महाराष्ट्र सरकारने 2024-25 या आर्थिक वर्षात ₹४०० कोटी निधी मंजूर केला आहे. त्याचे वाटप पुढीलप्रमाणे होणार आहे –
- ₹३०० कोटी – सूक्ष्म सिंचन पूरक अनुदानासाठी
- ₹१०० कोटी – वैयक्तिक शेततळे उभारणीसाठी
यामध्ये वैयक्तिक शेततळे योजनेसाठी एकूण 6.39 कोटी निधी मंजूर करण्यात आला आहे.
शेतकऱ्यांना कसे मिळेल अनुदान?
- यासाठी MahaDBT पोर्टल (https://mahadbt.maharashtra.gov.in/) द्वारे अर्ज करावा लागेल.
- निवड झालेल्या लाभार्थ्यांच्या आधार संलग्न बँक खात्यात थेट अनुदान जमा केले जाईल.
- सार्वजनिक वित्तीय व्यवस्थापन प्रणाली (PFMS) अंतर्गत पारदर्शक प्रक्रियेद्वारे अनुदान दिले जाईल.
- अनुदान वितरणाची जबाबदारी कृषी आयुक्तालय, पुणे यांच्याकडे असेल.
🔴 हेही वाचा 👉 महाराष्ट्र सरकारकडून मुलींसाठी आर्थिक मदत, पात्रता व अर्ज प्रक्रिया जाणून घ्या.
शेततळे अनुदान योजनेसाठी अर्ज कसा करायचा?
- सर्वात आधी MahaDBT पोर्टलवर लॉगिन करा.
- ‘शेततळे अनुदान योजना’ निवडा.
- आवश्यक कागदपत्रे अपलोड करा.
- अर्ज सबमिट करा आणि पुढील सूचना मिळवा.
मुख्यमंत्री शाश्वत कृषी सिंचन योजना (Shet Tale Yojana Maharashtra) ही योजना शेतकऱ्यांसाठी एक सुवर्णसंधी आहे. स्थिर सिंचन व्यवस्था मिळवण्यासाठी आणि शेती उत्पादन वाढवण्यासाठी शेतकऱ्यांनी या योजनेचा लाभ घ्यावा. सरकारकडून आर्थिक मदत मिळवण्यासाठी वेळेत अर्ज करणे खूप महत्त्वाचे आहे.
🔴 हेही वाचा 👉 बोअरवेल खोदण्यासाठी 50,000 रुपयांपर्यंत अनुदान, पात्रता आणि अर्ज प्रक्रिया जाणून घ्या.
